Кыргыз Республикасынын шаарларын өнүктүрүүгө багытталган максаттуу трансферттер

Новости
09-Февраль 2024-ж.
1268

2023-жылы Кыргыз Республикасынын Министрлер Кабинетинин чечимдерине ылайык, Жалал-Абад облусундагы Жалал-Абад жана Ысык-Көл облусундагы Кара-Кол шаарларынын социалдык-экономикалык өнүгүүсүн камсыз кылуу максатында аталган шаарларды өнүктүрүү пландары республикалык бюджеттен каржыланды.   Кыргыз Республикасынын Министрлер Кабинетинин 2023-жылдын 22-мартындагы No 114-р буйругу менен Каракол шаарын жана Жалал-Абад облусунда Жалал-Абад шаарын өнүктүрүү боюнча иш-чаралар планы бекитилген.

Кара-Кол шаарынын мэриясы тарабынан бөлүнгөн максаттуу трансферттерди пайдалануу менен шаар тургундарынын эс алуусу үчүн ыңгайлуу шарттарды түзүүгө багытталган иш-чаралар жүргүзүлдү. Спорт комплексинин имаратын куруу, шаардык стадионду реконструкциялоо боюнча иштер жүргүзүлүп, ичүүчү суу менен камсыз кылуу, шаардын жолдорун жана тротуарларын реконструкциялоо жана капиталдык оңдоо иштери жүргүзүлдү, таштанды челектери, отургучтар сатылып алынды.

Жалал-Абад шаардык мэриясы тарабынан бюджетти түзүүчү, инфраструктуралык, социалдык долбоорлорду ишке ашыруу боюнча иштер аткарылды. Асфальтбетон жана таштандыларды кайра иштетүүчү заводдун курулушу, облустук кургак учукка каршы күрөшүү борборунун жаңы имаратынын курулушу, облустук оорукананын жаңы имаратынын, көчөдө 150 орундуу бала бакчанын курулушу М. Исакулов атындагы суу менен жабдуу системасын жакшыртуу боюнча скважиналардын курулушу каржыланды.

Учурда Чүй облусунунТокмок жана Кара-Балта шаарларын өнүктүрүүгө максаттуу трансферттерди бөлүү каралууда. Каражат өнөр жай зонасы, транспорттук-логистикалык хаб үчүн инфраструктураны түзүүгө, жашоо үчүн ыңгайлуу жана экологиялык таза шаарды түзүү боюнча иш-чараларга бөлүнөт.

Предложения по улучшению сайта
Онлайн кайрылуу