Активди жана мүлктү кантип декларациялоо керек

Новости
20-Февраль 2024-ж.
1286

Кыргызстанда “Жеке адамдардын мүлкүн ыктыярдуу түрдө легалдаштыруу жана мунапыс берүү жөнүндө” мыйзам күчүнө кирди. Экономика жана соода министрлиги бул Мыйзамдын алкагында түшүндүрмөлөрдү берүүнү улантууда.

Атап айтканда, ыктыярдуу легалдаштыруу процедурасынан кантип өтүү керек:

- белгиленген мамлекеттик алымды төлөөгө;

- эгерде активдердин наркы 100 миллион сомдон ашса, республикалык бюджетке 1 миллион сом өлчөмүндө декларациялык төлөм төлөсүн.

- атайын декларацияны алуу үчүн мамлекеттик нотариуска (өлкөдөн тышкары консулдук мекемелерде, элчиликтерде) кайрылууга;

- атайын декларациянын белгиленген формасын (бланкын) толтурууга;

- атайын декларацияны мамлекеттик нотариустун колу жана мөөрү менен күбөлөндүрүүгө (өлкөнүн чегинен тышкары консулдук мекемелерде, элчиликтерде).

Атайын декларация бир нускада толтурулат жана декларантта (атайын декларацияны толтурган адамда) калат.

Декларация бир нускада толтурулат жана сизде гана сакталат!

Мамлекеттик кепилдик:

- салык жана бажы алымдарын, социалдык камсыздандыруу төгүмдөрүн жана башка милдеттүү төлөмдөрдү төлөбөй турган мүлктөрдү легалдаштыруу;

- салык жана бажы мыйзамдарын мурда бузгандыгы үчүн мамлекеттик бийлик органдары тарабынан куугунтуктоодон коргоо;

- салык мыйзамдарын бузгандыгы жана катталбаган иш-аракеттерди жасагандыгы үчүн жазык жана администрациялык жоопкерчиликтен бошотуу;

- ыктыярдуу декларацияланган мүлккө жана ыктыярдуу легалдаштыруу процессине катышуучу жактарга кол тийбестик;

- мүлкүн ыктыярдуу декларациялоонун сыры (ыктыярдуу легалдаштыруудан өткөн адамдын).

Бирок! Мыйзам улуттук жана эл аралык издөөдө жүргөн адамдардын тизмесине жана санкциялык тизмеге киргизилген адамдарга карата колдонулбайт! жеке менчикке жана инсанга каршы кылмыш жасаган адамдарга колдонулбайт!

"Жеке адамдардын мүлкүн ыктыярдуу легалдаштыруу жана мунапыс берүү жөнүндө" Кыргыз Республикасынын Мыйзамы (Жүктөө).

Предложения по улучшению сайта
Онлайн кайрылуу