Патенттин негизинде соода ишинин субъекттеринин башка салык салуу режимдерине өтүшү жөнүндө

Новости
11-Ноябрь 2023-ж.
1191

Кыргыз Республикасынын Экономика жана коммерциялык министрлиги соода ишмердигине патенттердин жарактуулук мөөнөтү 2024-жылдын 1-январына чейин жарактуу экенин билдирди.

Ушуга байланыштуу буга чейин министрликтин аянтында Кыргыз Республикасынын Финансы министрлигине караштуу Мамлекеттик салык кызматынын, Кыргыз Республикасынын Финансы министрлигине караштуу Мамлекеттик бажы кызматынын,  Кыргызстандын базарлары  Ассоциациясынын өкүлдөрүнүн,  соода жана тейлөө ишканалары, ошондой эле Бишкек шаарындагы базарлардын жетекчилеринин катышуусунда жыйын болуп өткүн.

Бул кеңешмеде Кыргыз Республикасынын базарларында жана кичи базарларында патенттин негизинде соода ишинин субъекттеринин бирдиктүү салыктын негизиндеги жөнөкөйлөштүрүлгөн салык салуу системасына өтүшү, ошондой эле талаптар жөнүндө жобо талкууланды. Кыргыз Республикасынын Министрлер Кабинетинин 2023-жылдын 4-сентябрындагы токтому менен кабыл алынган Кыргыз Республикасынын базарларынын жана кичи базарларынын иштеши үчүн, ага ылайык 0,1% өлчөмүндөгү бирдиктүү салык ставкасы колдонулат.

Ошону менен бирге «Дордой» жана «Туратали базарлар» базарларындагы (Кара-Суу соода-оюн-зоок комплекси) өзгөчө режимдеги соода зонасында иш-аракетке салыкты колдонуу маселелери каралды, ага ылайык салыктын ставкасы кирешелердин жарыяланган көлөмү боюнча белгиленет.

Мындан тышкары, ишкердик субъекттери тарабынан соода-сатык иштерин жүргүзүүдө контролдук-кассалык машиналарды, ЭСФ жана ЭТТН колдонуу жол-жоболору боюнча маселелер талкууланды. Белгилей кетсек, жогоруда көрсөтүлгөн салык режимдерин колдонууга укугу жок башка соода субъекттери үчүн төмөнкүлөр каралган:

- контролдук-кассалык машиналарды колдонуу боюнча талаптарды сактаган товарларды, жумуштарды жана кызмат көрсөтүүлөрдү сатуудан жылдык кирешеси 8,0 млн сомго чейинки жеке ишкерлер үчүн мөөнөтсүз салык төлөөдөн бошотуу;

  - соода ишин жүргүзүү үчүн иштин түрүнө жараша төмөнкүдөй өлчөмдөрдө бирдиктүү салыкты колдонуу:

а) импорттоочуну, экспорттоочуну, дистрибьютордун жана күйүүчү-майлоочу материалдарды, дары-дармектерди жана медициналык буюмдарды сатуучу субъектти кошпогондо, акыркы 12 ай катары менен кирешесинин көлөмү буларды түзөт:

- 30,0 млн сомго чейин - 0,5%;

- 30,0 млн сомдон 50,0 млн сомго чейин – 1%;

б) "а" пунктчасында көрсөтүлбөгөн субъект тарабынан:

- 4% - накталай түрдө;

- 2% - накталай эмес формада;

- 4% - жеке эмес субъектке.

Предложения по улучшению сайта
Онлайн кайрылуу